اسماعيل الحسيني
علي اليكتب عليك براسه كون اذان
حته سوالفه التكبير وياهه
الجلد والشعر كزبر من كتبت عليك
الصوره كبال بيتك ترجف الكاهه
خمس تنطي دوه بكل شهر بي لجمات
تعالج صفنتك والليل داواهه
علي تكتب خبز والفقره ذواقين
تضوك سوالفك وتعرف معناهه
جنت تكتب شعر بس ماجنت تقراه
اظن تكتب ملوحه والله يقراهه
طبروك وبقت تنزف الوحشه غروب
لأن فركاك ماينحمل اذاهـه
انشطر مسجد الكوفه عليك يا ابو حسين
بجه بفركاك والحيطان بجــــاهه
بطبرتك تنثني رادت الدنـيه تطيح
انثنت والله بضلع مكـسور تجاهه
علي ضم حزنه حته الناس ميشوفوه
علي دفعه الزهره براسه ظماهه
تستـفتح الدنـــيه بضوه من الكرار
بس بطيـحته بلظلمه عفناهه
التربه انجوت من كثردم البيك
راسك نار حته الكاع وجاهه
الماعنده وطن من الخريطه يخاف
والعنده علي يفرح بملكاهه
من يفتح جفوفه يفرح الايتام
بس بطـبكـته الكفار بجاهه
البخور بجيبه ظلت ريحه مال كبور
اجاك بلهفه بلمحراب خلاهه
متحاجي الضوه وماتسمع النجمات
خرسـه عيوني بس الليل حاجاهه
لخاطر زينب ارجع ولو ست صفنات
كضت صفناتهه وتريدك وياهه
دمع الفقره جان يطيح بي حسـرات
لهذا دموعنه تختلف شفناهه
ثقافة شعبية
