ضياء المياحي
کلشي بضريحک احس بي رمز للجيه
وبي مدري شنهي بعد بي واهس بنيه
ماتثق بالعلکمي
خلصت کل الورد ينطيک ما ينطيک
ولهذا يابو الفضل کلما ازورک احس
مو يمک متانيک
ويم المخيم احس لليوم باقي طفل
يسحن بروحه العطش
بس يلکه ماکو کمر يرکض لباب الصحن
غيمت يابو الفضل
شتکول بيهه مطر
جم طفله الک جم طفل
من جوعهه اتسلمت النار بأول خيم
شافوهه وکت الضحه وعمتهم تحزمت
رکضو بواهس خبز حسبالهم جيمت
شافوک فوک الرمح وتعاتب الغيمه
بنص خيمتک عالظهر کضو قلم للنبي
وکلمن کتب ضيمه
زينب کلبهه انکسر
من شافتک دمعت شخبطت عالخيمه
حرکو الخيمه بوکت جانت الدنيا کصب
وجان البکلبه رحم من يلتفتلک حطب
شتلحک طفي بعد
الريح وکحت کلب
والماي کله انشرب
وتدري انت جفني رکد
وعاشور واصل يجي ولهل الدمع مطلوب
ما يصح يمک جفن بس کون ما متعوب
ويمکن اشويه الح بس هذا عشک الطف
ياکل بروحي النشد اطفالک بياصف
وکت المدارس اجه
ونتم بحاله حرب
بالثاني عندي ابن
بالثاني عندک ابن حتی استلمله کتب
