رامي الحلفي

كمت اتخيلج كلمة اعله شفة حسين
يذكرج والعطش ما يوصل الشفته
يسولف والعقيله تكله واضح جان
دور ام البنين وانه ميزته
وخرت الكفلني وطفي كام ايميل
ونخيت الله وعلي وبالكوه عدلته
وخرته بقصد حتى اعرف امن يموت
شلون يصير حالي واني عايفته
اختلف لحن السوالف من اجه العباس
واحد كل للاخر روحي شايلته
ومن گلب المدينه الوحشه جابت صوت
وصل حد الخيم واللهفه كايدته
حقج والفخر يرجعلج تكولين
انه البطني تسع شهور شايلته
جبت عمري بسهر  واتعافه عالنجمات
انه ام الكمر واتنومس ابخته
ماعشت القلق يترسهه عينج هاي
الترس عين الزمن مايملي عين اخته
امن اسولف بلبزر  تتختل النسوان
وارفع راسي انه العباس جايبته
ما ظل من برز جلمه اوجه للجيش
كلهم فد كفه والجربه لازمته
اتعطل موتهم جي لنه رايد ماي
مو يم الركب وباله يروي اخته
وانه كلت الحجي والفدوه لجل حسين
بس حجي الهضمني الهسه ما كلته
انه ابني بحرب وظنوني وين تروح
خاف يموت وانه ابعيني ما شفته
وصل بيتي (الصدى ) لمن طحت عالكاع
يمه وروح حيدر كلبي فطرته
الطارش والكلب خبصوني كلمن راي
وانه بحيرة دمع والراي تيهته
طايح ع الارض بس تبقى عيني تكول
بعدك بيهه واكف ما وكعت انته