حيدر العوادي
العطار وطفله صغيره
بيهم نخو وغيره وغير
بيهم فطرة طين الحري
وفطرة طير
هاجس عدهم من الصار
بالتحديد
من الدم وخط النار
جمعت عيديتها
وباعت دب ولعابات زغار
واسوار وخصله ذهبيه
للعطار
بمبلغ خيمة
وللرب لون
يواسي اطفال
من يرد خالي الميمون
ياعطار
ترجع باجر
ظلّن عندي زلوف اثنين
زينب ماتكَـعد بالخيمة
بغير حسين
اسوارج شعرج مصروفي مال سنين
يغنن زينب عن الخيمة
ويغنن عن الموت حسين
وتبرد رية الجود وريّة
ذاك الخوف
لاتبجين
راح اشري العباس جفوف
