عبد الخالق المحنة
جنها زينب هاي بنت حامي الدخيل
بس عجيبه انشوفها بلايا أهل
كون اخت عباس تركب على هزيل
يعني ياستار عباس انجتل
هي زينب هاي على الناكة وتميل
ومن تميل الريح يسندها بخجل
بيها هيبة حيدر وزعل الكفيل
وبيها صبر حسين لاح وياالزعل
والعجيبة شلووون يحديها الغريب
وانا أعرف زين باطباع الكفل
وجنه راس حسين ذاك على الرمح
وهذا ياسيف اللي ذبح خير العمل
وين سبع الكنطرة وسبع الطفوف
شصبر الراس على رمحه وما نزل
بعينه من شاف الشمر سوطه يلوح
بمتن زينب كيف عباس احتمل
يعني هاي ام الخدر زينب أكول
يعني أياس لاخدرها ولا أهل
يعني لا كفالها يلوح الجفون
ولا أبو الحملات من صاحت حمل
يعني ضلت بين جتال الحسين
وبين سلاب الربى بحضن الفشل
بس على اعناد الوكت وشما يجول
ماتهبط راسه ربات الفحل
هي زينب مايغيرها المصاب
اذا على الناكة واذا فوق الجبل
