كاظم جابر السماوي
مامعقوله تنسه اختك يبعد اختك
ياعباس تزعل لون عاتبتك
عگب عينك الوذن واحتمي بيا سيف
وانت وياي طالت خويه سالفتك
يسالب مهجة اختك ليش عني ابطيت
وانت البكلايف عود خابرتك
معقوله تشوف اختك وتسكت من يضربوهه
معقوله تظل علمشرعه وخيامي حرگوهه
چنك مادريت اعله الهزل اختك يرچبوهه؟
بعد طولي يماي الگذله ياعباس
ياصل الرمل لوزرگ ماينجاس
هسه الناس ماتعتب لَّون شافتني هاي الناس
شمسويه وتظل زعلان وسكينه العزيزه الگوم بجوهه
شمسويه وعطاشه اطفالي خلوهه
واخيتك انه كلها الناس عرفوهه
ماراحو يگللولي اخيچ وين
ماگالولي عجبه اشلون اخت عباس تنشتمين
ماگالولي وين البيه بس تحچين
شو عافج ولاچن گال لحگوهه
هظيمه من التفت ومحد يگوم اوياي
وين الغيره يهل الغيره عفتوهه
أَمر اعليك مچتوفه وتصد وتشوف
يعني يصير اخوي اعيونه طفوهه
اون وابچي وعلى امتوني يلوح السوط
وخيامي بلهيب النار حرگوهه
معقوله اعله مود الماي مارديت
معقوله جربتك خويه شگوهه
يخسه الماي واهل الماي شنهي الماي
دگوم وشوف اختك وين ودوهه
لون اعيون الك جاجدت من الغيظ
يعني اعيون ماكو ويعني صابوهه
ولون راسك يباري چا ثگب دخان
يعني الهامه ياعباس هشموهه
يعني يصير مثل احسين مالك راس
ومگطع وذر والجثه سحگوهه
هظيمه من التفت ومحد يگوم اوياي
امشي اعليك امي الزهره بس لتگول
يخويه اچفوف اديك الگوم گطعوهه
العتب لله يماي العين وحدي اصفيت
يكفال الخدر واختك يهظموهه
انت اللي يسمونك كفيل ابهاي
هسه اختك كفيله الناس سموهه
