سعود الخفاجي
حشاها من الغلط زينب اسيرة تروح
ماگلك اسيرة ولو گلت غلطـــــــان
رئيسة دوله زينب من مشت للشام
واميرة مؤمنات وطبت الديــــــوان
حضرت مؤتمر بي وضحت اسباب
ثوره اتأسرت بس حررت انســـان
توأم للبلاغه بمنطــــــق الكرار
معجــم للحقيقه وللفصـاحه لسان
منها شگد زلم اخذت عبر ودروس
اكثرماخذت مـــــن زينب النسوان
داح الباب ابوهه وشي طبيعي تصير
بالحـــق بت ابوها وترهب البيبان
باب الشام ذاك اللي عصه اعله الروم
باصبع اشرتله الباب ذل وانهــــــان
التل بكل كتر من توگف الها يصير
منبر للقضية وللمجــــدعنــوان
ناطق رسمي جانت تحچي بسم حسين
وتصور حچيها شلون يمهـــم چان
من حيدر خذت مجمل اصــول الدين
ومـن عباس جابت غيــــرة الشجعان
سمت بسم ربهــا وسولفت للناس
وماظــــن سولفت بل فسرت قران
مثل ماوگفت امها اگبال ذاك وذاك
وگفت امــس زينب واطـت البرهان
مركزثقل چانت من حچــت للدين
ورجحت الها فخرا كفــة الميزان
كدكيدك؟ يزيد بوكت محدگـــال
گالتها العقيلة وخورست فرسان
اخت حسين فعلا؟ لا واخت عباس
زينب بت علي چاهيه بت فـلان
