أحمـد العلي

اعذرني
خذاك الليل كحله وبالندى مغطيك..
يَ فجر الله
يسلوَة شيعتك مرخوص
تاخذنه فِِده لكل ماي
مَد چفَه استحه ومالاح..
لو بيده يجي مسيّر..
لو بيد الشمس…تمطر
على عيونك رمش جبريل
وبچفك ملك منذور يوگع ويا چف عباس…لوبيده!!
لَوَن بيد السمه،،تحنّيك..
وَلَو…بيدك تجيب الغيم
بس رَب العِطش راداك
ترويهم صبر للگيظ
وانت لكل نهر روجه
ومشه جرف الدمع وياك
ولا تانيت منهم چَف…
واذا واحد يكلّك(هااك)
موبيده..
اشيخَلف ابليس؟
غير المامشو وياك..؟
ياهو الگبل گلبك رَف..؟؟
الفرات بفزعَه هـَد…بس خاف
موبيده!!!
بآخر (ليت) كون اوياك
منذورين بس اتراب
تدوسه ونستحيك ذنوبنه مفرعات
كون وياك نتشرف..
يَبن دنيا الرساله بچف علي اتـّانيك،
علي رادك نبي اعله الطَف..