سلوان المحمداوي

ينز دمي واصيح ابصووت … يناز
اعله كلبي وعكلي بيه الفكر يناز
ابزفتك ما اجيت وجيت يناز
ابدفنتك يالكطعت النفس بيه
مو وكتك .. اظن مشتبه بيك الموت
يعايش بينه من سافرت غير اتكول
ليش اتسافر ابتابوت ؟؟
وحق وكفاتك ودمعاتنه ابفركاك .. عيب اتموت ؟ بكلهن زين .. بس بفركتك مو زين
شنو ذنب اليحبك هيج بيه ايصير
مفارك ضحكتك وايعتبك بسكوت
هنيالك .. ولكن عدنه كومه اعتاب
ترضه لصاحبك ينعاك وانته وياه
ويهمش حضورك دفتر الغياب ؟؟
ترضه اباكم نوكف .. وما نلكاك
وندك بكلوبنه وما تفتح النه الباب ؟لا والكارثه ابصورتك كمنه انشوف
مكتوب الشهيد الشاب …..؟
صدكنه الخبر كل احنه مجبورين
رغم ندري الصدك جذاب
وسألت الدافنك دلاني كبرك وين
واجينه وشفنه كبرك جان بعده اتراب
قبل لا ينبني ما تمد جفك ليش ..؟
اهنا العتاب …..
سلمنه عليك ابشوك .. واحنه ادموعنه ابنص الكبور اصياح
يكسر واهس الشياب
الكبر البصفك اهتز .. والكبور اتصيح خد اصويحبك بترا كبرك ذاب ولو .. ما اندري ترج بس وحق فركاك
ذكرك صار يوجع حيل جنه اصواب ؟ايييه وضيمنه .. وجادرك لمن طاح
لاح اعقولنه ابفركاك الاستغراب
عدنه اعتاب ,,
ليش اتعوفنه وما كلت رايح وين
وعفت ابكل كلب بجفاك اثر عطاب
وليش اتشوفنه وما تحجي .. نترجاك
برر موقفك يل رحت دون اسباب