حيدر هليل
احذركم جميعأ واني مامسؤول
اليتحرك شبر مايرجع بطوله..
انطي راسه بيده الحاول يجر سيف
والعب عالركب وكت الحرب جوله..
غيرة وغارة بيه اجتمعن من اصباي
معلم عالهجوم من الزغر سوله..
جنكم ماعرفتو الجاي يحجي منين
انه ابن البلقتال الكل يدنكوله..
انه ابن السيفه ذيب يغمض ومينام
انه ابن الخصمه من ضرباته يشكوله..
انه ابن المايرد لوما يلطخ السيف
انه ابن الخيبر بذرعانه مشيوله..
انه العباس ارجعو الخاطر العباس
المايرجع كبر واجفان حضروله..
ماثني بخصم للسيف كلمة انطيت
ماضيع ضربته بجثة مكتوله..
واغرف بالجثث هاك اخذ عزرائيل
ﻻتنزل تضيع تعبك بذوله..
والله اجدامهم كامت وﻻتنشال
ارد وما اقاتل زلم مشلوله..
اجر السيف عيب…بخزرتي يطيحون
وحك ضلع الزجية الشغلة محلوله..
ادبج واني واكف حتى اشك الكاع
وخيرهم اثر ماراح يلكوله..
