امجد الدراجي
بعد خون براحتك اصلا نسيت
وطك اثر فركاك خضر بيه شخص
هوه صح مامكتمل مثلك اكيد
ع الاقل ماحس انه وياه بنقص
متت بيده وشفته جناز بوراي
علي خايف كلت من باب الحرص
ايريد للمكبره يوصلني بامان
اشكد وفي يكمل الكتل ميعوفه نص
جنت انكط لهفتي لو حر اجاك
وانه اشهك اب حد ماكمت اغص
وجبت ستري وعزتي سلعة بعتيك
وكتله اخذ الرايده اغلاهن رخص
لعبوا بشعرك وحجيك وينه ذاك
والله كتلي اتلزمه ايدك لو مكص
رتب احجايات الك مثلي باصول
لو كالهن وبلا وعي وحجيه اختبص
وليد وبرفعة علم يوم الخميس
مثله ارتب حجي الك با الاخص
ودز خبر لمن تجي ادوس الضلوع
ارد احضرهن وكلك دوسهن
والوجع لاتخاف ماحس اني بيه
جنت احسن بيه من تبوسهن
نية جفوفك امر من البديك
ارماح غدرك ما احس بروسهن
وبعيني انت ودمعي بس تدافعون
خاف توكع صوجك انت وصوجهن
قيمتي بكبلك تبين من اطيح
اسم الله خيرك بله هم تكولهن
ومن قرو فاتحته مايدري وغشيم
لو افكاره بغير وادي جان وسارحة
شلون يفرح بيهه ويهنونه ليش
احنه مو بس ع الموتى نقره الفاتحة
