اجيت الچادرك ورويحتي اتلوب..
والك شالت اعيوني ادموع الاطفال..
وحرت مابين ابارك مدري اعزيك..
نسيت المات اله يا كلمة تنگال..
(انه ابغض النظر عن كل الافكار)
اليهمني اخلاق شخصك چانت اجبال..
حرت بيش ابتدي وشلون انه ارثيك..
يعنگود العنب بچيت الاسلال..
اذا همه الزلم گامو يلطمون..
الله ايساعد النسوان ياحال..
منو ابتشييعك امبلغ العصافير..
ومنو الخله الهلال ابجادرك هال..
غير انته متدري اشصار بجفاك..
وگع چم شال لمن نعشك انشال..
شجاك استعجلت يافرحة العيد..
مراجيح السلف تحتاجك احبال..
علاقتنه بعدهي اتريد مشوار..
بنو گبرك وانه الچنت ابني الامال..
ردتك تبقه يمي اگبال العيون..
ما ردتك تغيب وتبقه عالبال..
(شمر) رادو (رشم) يصبح يمحبوب..
ودمك كتب (لا) عالگاع من سال..
اهو التمثال رايد يفتخر بيك.
ياهو الگال احنه الردنه تمثال..