جنّاز الشمع لو مات (گبصة نار)..
وتوابيت الشموع اخيوط..
وروحه ابروحه يدفنهه..
المحامل خلّصت ما كفّن السبعين..
حملتك غيمه من چان النهر عرگوب.
خاف ايبوگك الصبير.
ويدلّي ابمچامنهه..
مونة زينك الطعنه..وگفاي استافه من زينك.
يلعمه ادريبك اتوچد ..لِميض امجادح الجرجيت
فطير وصدّگت عينك..
ولاوي اجدامي وعّثر مستحه اعللگاع..
خاف اتگول…ماواساني بدروبه..
يخايب للصخر حوَبه..
اشچّل رمشي وتّمگمش وِميض الصوت
ولثّمِ اذني ابصريچ الريل..
خاف الگالك احچايه…
يكوز اتبختر اومعذور..
اذا هوه البزل ويسولف ابمايه.
يملاچ الدنيه..استاسَف العاگول.
تسحگه اجدامك الدارخهة درب الشين
شانت والگصب كفّر ذنب عزفه ابمناجلهم.
يالمنگلِ السوالف ما عثرّث ابير..
يبوگ السانك الطشّرلي سرّي ابچف مسامعهم.