ياسر فليح
ليش الفات مات وراح ؟؟
وال (الله كريم) هوااااي
والوكفات منسيه ..!!
من زود العشك لو من صلافة عين باقي ومستعز بيه ؟
اليغلط مره مو مرتين واني وياك نغلط ليش يوميه ؟
طلع سري من البير
بعدلك حضن واحد والمسيح تصير !
من نرتاح ننسه شلون راح نحير ..
من تنشلع مني وياخذك بطران
مايعرف بشعرك جم كصيبه يصير ؟
ولا منتبه جم ذره هوه باليوم تتنفس …
من اندار ما الكاااك لو الكاك وجهك من كفاك اتعس …
من تنشف عيوني وجوه … واضل بجفن كلمن شافك اتلمس !!
من اكعد واحس احساس ماينحس ..
من اشتاكلك والكاك صوره وبس !!
