محمد ابو العز
احس طعم الضوه بجفاك بارد
والهوه كل ساعه يلبس راي ..
مر بيه ولو بالطيف
اريد اتشيم ابملكاك
يالظلت شبكتك شارهه الهسه
بخصر ملكاي ..
كبل لاجدم نظراتك يطب بحرثة عيوني
جنت مرتاح ما فكر واهم بالجاي ..
كبل لمن تجيني افرح
ولم كل الفراش اليلعب بروحي
واطشنه اعله باب شفاي ..
من شافاك موش وياي ..
النهر كلبي العطش هد
وبديه حل كل كصيبة ساجية الظافر شعرهه الماي..
صفنت اعله النهر مره وطلعت براي ..
وكلت امحالل وموهوب لليطعن بعد مكفاي ..
لأن بعيوني شفت الروج
الروجه التنكسر واتطيح ماتنشال
لا يسحكها روج الجاي ..
طبع بيه من احب لازم شجرتي اذب ثمر وفياي ..اجيت وكتلك ادخيلك يالمسير ضحك
ديرة ضحكتي احتل حضنها الناي ..
وكلتلي الخاطري والخاطر عيونك
صرت شاطي وطرت لمن تعبت من اللعب فوكاي ..وكلتلي الخاطري والخاطر عيونك
صرت شمعه لضلام ظنونك ورغباتك
لحد ما متت بهداي ..
يالمحلي سماي بجنح جيتك ليش
تخلي اغراب هجرانك يطر اسماي..
