حسين جهيد الحافظ
طلع دالع حبيبــــــي إو غنج بسم
گتلني إو داف ريجي العسل بسم
ونيني ما تـــــــــونه إعليك بسم
الرضيــــــع العافته بالغاضريه
بعضنه مستوي كلش بعضنه
داعش ناب مستانس بعضنه
بعضنه صار بس ياكل بعضنه
نعمل باطل إو نتعذر تقيّه
صبري إلچان واجد حيل گلباي
ومثل كسر الزجاجه إنكسر گلباي
السبب طبع إلأحبهم صارگلباي
عملت الطيب جازوني إبريديّه
ليلي موش ليل الناس وحشي
إبضوه الگمره أتيه الدرب وحشي
اذا التاريخ عنده فرد وحشي
انا كل ساع وحشي ايمر عليه
