لفتة الباني

مثل روحى ارويحتك
 تشبك جرحهه وما تون
مثل كلبى اطباع كلبك
سكتة لو ضم الحزن
مثل طبع البحر بينه
 اتفيض روحه ومايمل ثكل السفن
ودمنه كل كطرة التطيح
اتخضر ابنادم كبل ما تندفن
شوكنه اولاية محبة
 وكل كتر بكتارنه ايغنى ابلحن
اعيون ذيب اعيونه ابليل السهر
ومن صبرنه انتعب اسنين السجن
عدنه كل جف بيه حمامة
وكل حمامة اجناح ابيض
يكسر اعيون الحزن
اكلوبنه امراية احديثة
ما تغش ابشوفهه اكبال الحسن
وخل تدور اشكثر
 ما دارت تفر بينه الرحى
احنه مكتوبة ابصخر جلمتنه حمره
وكوه كوه اعله الوكت ما تنمحى
كوه كوه اعله الوكت ما تنمحى