خالد الفراتي

جنت روحي..وضحكتك سيف لجروحي..
وجنت ليلي..وطولك الممـتد ابروحي
..
وسمعتك .. شالت رمشها.. عيني واتبدل ضواها
وشافتك.. لحظات خوفي..سورة واحساسي قراها..
وشمتك.. دمعاتي.. واتبدت وراها..
روحي..روحي.. راحتي..وراحت وراها.. ..
يا…ولك..لا وك دخيلك.. غصت احروف القصيدة..
وفزت اطفوف.. السوالف,, واحترك خاطر يزيدة
..
ومثلت روحي تحبك.. دور بعد ك ماتجيده..
واني بيده.. يشتعل جرحك..مسافة.. واني ابيده..
وراح اسولفلك..عيوني.. العتكتها من السوالف.. وجانت بجالك جديدة..
لاتزيده..
لاتزيده..
لاتزيد اجروح كلب المن هواك اختل وريده..
كلي.. سيفك بين ضلعي..طابت لشخصه الاقامة
اشتبهت وسلمت الك..وادري ماتنطي السلامة..
وياحكومة البيها غيرة لو نزل دمع اليتامه..

وانه وي ظلك كعدنه.. ودكت اجراس الندامة..
وكتلي.. احبك.. ومن تحبني.. ننسه بالحب الكرامة..
وانه هامة.. كلها خاطر.. تلبس الطيبة بشهامة..
…….
ودنكتلك,, وانه سيف,, من الزغر زاعل اكرابه..
وانه ريح..وامنتلك.. وانت مضمونك سحابة..
وياغرابة..
وياغرابة..
نزلت عيني و اجيتك.. اعمه بس كادوا لبيتك..
خابط الدمعة بترابه..
وياغرابة..
سجتك كلفة وخذتها..وضحكوا بظهري الكرابة..
وياااااااااااااااااااااااااااااااااابه.. يابه..
اشكد رخيصة دموع لحظاتي بمقامك..
وليش تهتز عيني.. لو نسم غرامك..
وليش ذاكرتي اعله صوتك..تنــــذل..
ويكبر كلامك..
وليش طولك.. مايفارك.. خيط عيني.. وتنرسم جي مااريدك..
من جدم طولك لهامك..
…
وتسكت الصفنة وتجيني..وتشلع من الباب عيني..
وذكرتني.. وذكرتني.. شدار مابينك وبيني..
…
من كلتلي..؟
نلغي من حبنا الكرامة..
لو.. ولو.. لا مااكلك.. قامت..الليلة القيامة..
..
صوت مرجوحة عشكنا.. بلاطفل تهتز خطية..
وذيج ذيج اكبال عيني..
ابلا ورود المزهرية..
وموبديه..
اتكلي احبك موبديه..
( احاول انسه حبك والكلب ميريد)
وانه ماريدك تريد..
وانه ماريدك تعيد..
(كلما جربت ميفيد..كل يوم المحبة اتزيد)
ويابريد..
الوصل افكارك تبيع..
وانه كتلك.. من تضيعني تضيع..
( ومن ضيع كلبك عنواني.. تاه وصاحوا بي بالجامع)
وهسه.. تشتلني اعلى خدك..
شامة وادور بياضك..
اتكلي يمكن مانسيتك..
وترسم ابالي افتراضك
…
وطشرتهن ذكرياتك..ادور احساسي بغراضك
هاي..من عندك قصيدة..وهذاااااا مرسالك..ضحكتك..
صورتك..منديل دمعي
هاي طبعات من اصبعك.. من عصر بالشوك اصبعي
هذاااااااااا… ذااااااااااااااك.. شبيك ساكت..
لا والك مو ساكت اني.. مابقت روح بغيابك.. يلله لملمهن اغراضك
يلله لملمهن اغراضك..
انه كل ذاكرتي ماتت.. وكلشي بيه وبيك مات