تحسين علي

بديناهه بزعل وعتاب
مامقسومة هالعشرة
اخذ كلشي الالك وياي
لتخلي ولاذكره
معلم عله الهجرخد الينضرب كلساع
مايخجل من السطرة
وانه بكل كتر مشتعلة بيه النار
 مااصرخ واكولن اخ من اسحك عله الجمرة
 واطعني فلا حاجيك
مايشكي الخشب ويصيح وبجسمه الف طبرة
ولك بالفي علي منيتوانه وانت بالصحره
بفضل الله الصبر موجود
واتحمل شمس لفراك ما احتاج للشجرة
معقولة نسيت بساع تعبي وياك متذكره
ماتذكر لمن جفيت بهاي ايدي كظيت اسنين
اشيل واترس المجرة
تجازيني بجرح مشكور
والله اليعلم شكبره
سوه نمشي كلتلي نكمل المشوار
وباول خطوة بعدك جدمك اتبره
ومامهتم عرفتك بيه تدري اشلون
ضحكة بكلب بارد شفتك اويه الناس
وعله مودك ضحكتي مطعمة بحسرة
حبك مات وبايدي دفنته بليل
وحته يتيه مني وحته ماالكاك عفته بلا اسم كبره
واخاف يرف عليك تكول كلبي الرادك ويهواك
ذبيته بمكانه راح احط صخرة