وليد المحمداوي

مادريتــي..
هذا ليلي الجاب حلمي بجف اديه لبابج انتي وما اجيتي
وهذا حضني العفتي جمره ورحتي يم غيري دفيتي
مالكه جفوفــــي عله جسمج؟
ماغلطتي كباله بسمي شما حجيتي..
لـــــيش يا وحشة مسيه؟
بــــالي يمج كوه يشرد
ما تـــكظه جفوف اديه
ونعشي فات شكد ضحكتي
وكــــلتي هذا المات بيه
وصــوتي يمج كصته عركت
مـــالكاج ورد عــــليه
وانــــتي يا مادرتي عينج .
ايدج بــجفه ومشيتي
مادريتي”
سنيني يبست حته وجه ايامي فطر
اخذي كلـبي الشال رايت هم جديد
ومـــــــاتطيح شلون يخسر
اخــــذي كـــلشي
دمعي عربيه اصيله وكمطت صنه عله رمشي
اخذي صوتج صرا سيف بـ اذنــي زنجر
والــــملامه الــــــــموتتني!
كله صـــاحت!
انتــه جم حايط اجه وما عبريته
شماله ضهرك راح يتجه عله خنجر؟
جن سفينه بمايه عمتي ومارسيتي..!
مادريتي..
بعــيني ثالث.. ورمشي ناس
كالو الميت حـــلم
ياغلــطتي بماي وجهي الطشريته ودورت محد يلم
لا يكــلبي شبيك وبغيرك تهم
لملميتج كوه بيه
حته حضني الكوه شالج فوك ظــهره
ونــظره نــظره كبال شخصه اطشريتي
مادريتي..
شنـــهُ ذنب جفوف اديه وخلصن من الملامه.؟
وشنهو ذنبي شلون بعدج
ليلي يمج ما غفيته وليل هجرج مـــا انامه
وانـــه يمج فرعتهه وطلعت شعر الكرامه