أبهيده من يمشي ألرماد
أكدار هويه ألتشتري
( أبهيده ألمغيسل مضيف يعزب وجوه أشكثر ماتشتهي )ألشوف من يثكل مجانه يطيح يمك
أيطيح بلقيس
ألحكومة أربات شارع كبل لا هدهد يجي
أيطيح سجة أعله ألبحر وشراعة حافي
أيطيح حبوبي ألغفه رويحت حلال أبين بوكات ألجفافي
أنه ادري ألكاع تفحط لو لكت شيطانهه يضم ألنزيز
بيش ألوم
( هيه شنهي ألمكبرة ومن حقهة تاخذ كل عزيز )
مدري ليش ألمايندهك للكصب يبجي أعله نايك
ومدري ليش ألماتكله الله كريم دوم مايمشي أعله مايك
أدخيل ياجيمه سماري
ماريد ألجنة لو بيد ألملالي وخلني مفطوم أعله ناري
خلني عايش طيبت أهل ألبيت متونس وداري
مداري عاكولي أتوضه بماي عيني وصحره صلى
مداري كلبي ألمنسجن وي غير مله وتارس ألحيطان لهفه ألشوفه الله
راكد بريحة وطن (ماأدري المن)
مدري ياهو ألباك مني حسين روحي
ومدري ياهو ألشال شموع وسوادينة ريح
ومدري ياهو ألصاحلي (مرورت تعال)
حيل فنجان الضمير بجف أبو ألحسنين شيهزه ويطيح
نوبه أشوفن روحي (جربة ) وظال عباس أعله بالي
ونوبه أهيس روحي خيمة ويحرك ألشوف بحلالي
وهاي هيه ألحنه مو لثكة عرس
ألحنه فقره
جنهه إمتاع صينية ألقاسم ظاله بطرك ألشمس