حسين الحاير 

انكرر الغلطه ونرد حسبالهم
شگگينه اثياب حبهم مايلوگلنه بعد تفصالهم
چنه غشمه وننتظر كلمة .(نحبكم) من حلگ تمثالهم
وچانت الخطواتنه اعيون ابدربهم
وسفه هسه آثآر غربه اعله الدرب شفنالهم
وچنه من انغيب لحظه ومانمر يكبر حزنهم
وهسه مو عالباب .نزعج لو نمر ابالهم.. اشخسبالهم
مو شهر عمرين صمنه.. انتاني نسمت عيد منهم
تالي للماصام لحظه ايمر.. غريب اهلالهم
احنه شدينه الجفون ابطيفهم عن لا نخون
وهمه شدو للاسف ترحالهم.. اشحسبالهم
جوه شمس الله وگفنه وتيهو ما وچدونه
واحنه من گد مانحبهم فتنه بعيون الليالي او وچدينه اخيالهم
ابكلشي چنه انحن عليهم.. طحنه فد مرة سويه
عافنه ابطيحتنه چفنه وراح يركض شالهم.. اشحسبالهم
ابيا وجه نلغي الملامه الفرشت ومددت بينه
احنه سلمنه الرگاب ابنص چفوف احبالهم
واحنه لبسنالهم ثوب المحنه.. ونعرف اينشز عليهم..وابد ما يحلالهم
واحنه زامطنه الشمس هيه وظواهه ابيوم واعدنه اعله فَي غربالهم
مدري وين انريد چنه .؟؟ نبحر وشبچه الشراع
غشمه والعاشرو غشمه ابهلزمن هنيالهم..
ياااتعبنه الضاع گطرة ابچف صحاري ارمالهم
ويا حلم جنحانّه ابذمت قفصهم.. ولو هوه الذنب بينه
چذبينه السمه السبعه وصدگينه إِشكالهم
اشحسبالهم