شاكر السماوي

 جرح يلتم
جرح يدي
جرح ما طاوع لشدي
اوجرح ثبت جروح الغير وفاض عن حدي
وتلاشت شواطي الروح… بين الناس والعندي
والاوح بين اريد الكيش .. .واصد وما نفع صدي
اولن حادي السنين يريد … بوشالة عمر يحدي
فلا هي تنز روحي … أولا تخاف أمن القهر يصدي
….. تتشايم لون نيسان عم البور من بعدي……
تشوف اعلى السما البسمات الف ذكرى الشتل زندي
يتباهن بنات هروش … تاهت تيهة البردي
تاهت والحصد نشوان … يركض عالدمع والدم
يسعدي..:
اهناك جالي الروح عالي … الما ينوشة الجرح يلتم
ابعد مو عيب تكلي السيف مثلوم ..بطعن خنجر
لجن العار كل العار على كل سيف لو زنجر
الجرح نيشان ذاك السيف جان لحومتة يفتر
نجمة السيف تضوي بليل من تزرك يضوي اكثر
شرف للنور ما فكر … بالمجازات لو نور
يفيض الما تلمة أجفوف (حاتم) ع الزمن يكبر
يها ينتة التحط جلمات بشفاف الفجر لو طر
اخبرك لو بساط الريح عافة الريح يتكنطر
اولو ما للبحر سنة كون لازم ع الشهم تسدي
يسعدي البور ذلة كاع حرمة بلا نسل تصدي
جرح يدي
ابد لالا تكل هم رضيت بعشرة العلكم
ولا اريدن جفن بالضيم يتندى بضباب الهم
ونجان السهم مض بيك …عيب على الجرح يندم
هنيالة اليشك الموت … يرشف من حلاة السم
هنيالة اليكت بالصيف…. زخة اعلى هرش يحلم
يها يلي تشيل سنين … باجر والجرح مالم باجرنة بخيال اليوم …عريس اوشموعنة الدم باجرنة على جرح الطيف …جرح اعلى الجرح بلسم
دشد اوشوف ذيج … أجروف فضة أوفرس ادهم
تخفك فوك هام الليل … هلهولة على جنخ الطير
…………يسعدي
انته وجروح الغير تذكاره على جف الخير
جـــرح صـبـيــر