مصطفى كريم

منتظره واكول الفرحه بعد أيام. .
وتهل هلهوله امي الماكو منه أحلى. .
وصديقاتي يجن واتباها بيك هواي .
واكولن هذا خلي الوافه وي خله. .
احسب الخميس احساب يا بو حساب. .
إنه أتحدى وحده بكدي تحسبله. .
واجه يوم الخميس وأمر ربك صار. .
اتمنيت ذيج الساعه ارد طفله. .
كلت ليله عرسنا انا اظل سهران. .
اشو من وكت نايم شنهو مو فشله. .اجه موعد عرسنا الناس مجموعين. .شنو نوم المكابر مني صار أحلى. .
انا ادري الكبر طابوك مو اخشاب. .
طبتك للكبر هم تنحسب دخله. .
صعب ليله الدخله الوحده رايد حيل. .هسه وي فراغك كلي شيحمله. .
ردت شده ورود ما ريد شد أحبال. .
ولا قاط بجفن يا المعرس تبدله. .
كوم وياي خاف الما درو يدرون. .
وخاف انا بضحكهم يزرف الطبله. .
اجه شامت الي الوحدي مكتوم. .
يكلي تاخرت زفتنه شنكله.
سهلة أمور المهر والحلقات. .
بس سدت عيونك عندي مو سهله. .
احترامي للجميع بس قبل لا تعلقون اقروه