علي ناجي

يل شايل عليه هواي مدري شلون أودعنك؟
صاحبتك بعين الماي جف ناكَوط
وأحتاجيتك اتبدي العمر سكته
مدري شلون هزني الحيل وآني الردتك أتثبته
كون أنساك جانت تعكَد لسانك !
كون انساك هسه مفاركَه مجانك
أرتاحيت؟
الله وياك ..هِدني وشيل ذرعانك ولا هينات
يل تحلم بروحي تبات,, وين اتبات هسه أنته؟
يل سديت وجه الملكَه الإبعيني
باجر جان موعدنه ووعدتك شوف
إذا ماجيتني وداعة دمعتي أنساك
الترس جيبه دغش يعتاز جلمة طيب من يعثر
التوضه بعيبه يبرد ليش؟
لازم بالستر محتر !
يا هو الكَالك أجرحني حته أتطيب؟!
دموعي الطاحت بفركَاك محسوبات عند الله
ردلي اليوم باجر من تطيح بضيج
ياهو يكَلك أسم الله
نخيت إلكَاع الإتعثرك إذا ماجيت
نخيت الماي مايرويك من تعطش وتنساني
تمنيت الهوه بريتك يكشف الضيج ويغطي النفس بيهه..
أنه مخنوگ من فرگاك..
ما محروس إذا ماجيت
آني الفكره ناسيهه, لون رديت
بس إحجاية التنگال هم تنراد بعتابك
أجه أبالي,,, أجي لبابك ،،وأدگه عيون ،،حد ما اوكَع بشوفك
وأحط إيدي عله إجفوفك
وكشف العيب الإبراسك
لچن بحلامي شايل شوگ .. لذلك ما رضه إحساسك