امير المالكي

الرايد خاطري يدعيلي اموت اليوم
وخبر موتي اشوف اشلون تتلكا
مثل ماكلت وجهي امنادس الشمات
من شافوني وحدي وهيه تمشي ويا
الدرو بفراكنه يم اذني ويصيحون
حيل اشكبره صاير وين راح اصبا
حسرتي انه اويه كل اثنين يتمشون
تشب بيه جهنم بس اصيح اشاه
مشو جنازه بيه المشو ايخطبون
ومشه دمعي وظلمه لو اشبهه ابسيل
من يم بابهه اشتم كلبي ريح افراك
رغم ماجان يشتم منه ريحة هيل
ليل افراك اجه شد حيلك ايكولون
شماته من حجو يدرون مامش حيل
من اتناقشو بل زفه وبيايوم
وهلاهلهم تجيني اتكول هدت خيل
وانه اعمه ابجزيره وماكو سيف اوياي
ابطرك روحي حرت والدنية جانت ليل
انه الحركه بيه اتبين امنبعيد
وكلهم بارده وعيوني خجلانه
ورجف جسمي كوه حتى يقتنعون
واخذ دور واحد روحه بردانه
ماصدك ابكلشي الدنية هيجي اتريد
شجاني وصدكت بحلام تلفانه
حسرتي امحيره ماتنعرف ماليش
حسره امكبعه بوجوه دفانه
الدخل بيتي يكفخه وهج مال افراك
احرورت صاحبه امبينه اعله حيطانه
انه الحلفت كلبي ابرهبت العباس
حلفته وعلك شديت بردانه
لاتوميلهه امنشوفهه انته ويا
خطيه ايفز جرحهه وهيه بحظانه