زامل الخفاجي
شافوهم ولاشافوك
شافو مسلم وجدك
نرجس والشمس تهواك
سلطان العطش يالغيم
رحمه والله ماشكروه
جازوك بحوافرهم
ماصلوه عله البيبان وضلوعك
شفت الماي مومن يعبد الجنه يسبح الخوف
جان الجود جامع يامام الشوف وانت حسين
من صاحوك عطشانين
وجهك ضاع منه اللون
جبينك غازل الصخره
فوك الكاع خضر تل
ظل لليوم راسك عالرمح مرفوع يلشايل عليهم جفنك المبتل
افه ابخيمت بردكم صلت النيران
يبزر الماي معقوله متت عطشان
مامعقول انت اتصبر ابروحك تكول اضماج
منك صوت واحد لوصحت عباس
وديلي ضواك ابروحي جم شباج
يفزعلك فرات اعيون
عالدخان يفزع غيم
ويفز بالعقيله امتون
اي يدرون
من دف الطبل والنوك شالن خمر هاي الكاع
جدك نزل بالقرآن
لمه الغار
مسلم نزل بنجيلين
شفت الغار يم طوعه
وانت احسين معذورين ماشافوك
جانن دونك ألسبعه
انه لجدمك ردت معراج
سماك اربعطش والنجم سم وسيف
عليك الفي جنح جبريل
عليهم في سقيفتهم
كالوا
وابهذاك الحر من صليت كاع الظهر نكعت ماي
لو بيدي اعله خطوه امن اثر جدمك عفت كبه
مابري الرمل ذمه
اطش حنة برد فوكه ولاشوفن جدم مجوي
نحر شمه رسول الله
عكبه السيف ظل يشتم
حمل جنه عرس بالطف
ليله ويوم مطرت دم
عبايتكم ظريح ايطوف عالكيعان
نذر للعلكمي الشباج
مارده خبر جذاب للخيمه
سمع للشام زينب عل الهزل باجر
هيه تشكي للعباس يتحملهه يا جابر
لجمو جرح ابوك ابيوم من طاحن عمايمكم
مذمومه المحابس عكب خنصركم
ليلتهه البرد مذموم وابراهيم خيمتكم
ليلتهه النده مذموم عده فضه
مامر اعله زهرتكم
هيبه اعله العرش كتبوا سوالفكم
خفيف السان كلمن كال
بجفهه اتسترت بتكم
بجيتو ارواحكم لله من ذبلن مناراته
ذبحوا سوره الرحمن وتيسرن اياته
نهبوهن تراجي الطف وجان النهب كبل الطف
تدرون الملك لله
فدك ردوهه للزهره
