شهد الشمري
مو بس إلزلم تفزع ألك يعراق
بناتك ياعراق لنصرتك تفزع
ألك بس إلزلم يطوعون شلون
لا حتى البنات تريد تطوع
داعش مو زلم لاحتى مو نسوان
شواربهم شلع كيطان ماتنفع
نغثك ياوطن يمكن نقصر وياك
بس وكت الصدك نسجدلك ونركع
فدوه نروحلك يل بيك عطر حسين
عن موت لدواعش والله مانرجع
شنخسر ياحرب عمي أنتو متوهمين
جهال بيوتنه نشاقيهم بمدفع
روحو لبيتكم يافشلة التاريخ
ولو بعتو الشرف يابيت ظل عدكم
ياوجه الفشل تردون تنتصرون
فرحو ارواحكم يامهزله شحدكم
أهل البيت عدنه ومنهج وتاريخ
وأنتم بس لحايه وغيرها شعدكم
اجيتونه برجلكم ختله تتمشون
وجنايز لااهلكم باجر نردكم
