سجاد التميمي
أبــداخلك داخـل حسـن غنـالي
يحچــولي عنـك والتكتلك مـالي
ودگـلي مـا تسـوه شتخلي بالك
يــراد اطـلعك مـن اخـلي ابـالي
اللـيل يكـبر مـن تطـيح النجـمة
بيـرغ عشـيرة وبالنـعش شيالـي
أخيالي چان الضوه من اركض گمرة
الگـاع مـن امشـي تحنـي خيـالي
زرفـت ظهـري حتـه اصيـرن نايك
الـريـف يخـدر لـو سمـع مـوالـي
ينـزل الطـير امـن ايـدي يـاكل عشرة
أحـرگلي ذكـرة لـو بـرد يـدنالـي
أظفـر فيـايك چـنت سعفة بسـعفة
يبـرالك المـنجل چنـت تبـرالـي
چـنت أمن اصـلي الهوة مـااشمنـه
هسه على خصرك چم فرض تلگالي
لـيگودك أمـن ايـدك ايـطلع روحـي
هنـيـال گلبـك عـاشـرت چـتالي….
بـراسي بـدوي امن الـربابة تعـرفه
مـو أنـه الأسكـت عاليجـر عگـالي
نـاذر گصيبة امن الدمع لـوشفتك
أحفـر بعينـي وطيفـك أيمـر خـالي
مـن أشـد حيـلي النفـس ماعـبرنه
جنـازي وي… مـگفاك يتـراوالــي
