أبوذيات للشاعر
إبراهيم آل طلب

سهمك صابني وللحين (بعداه)
بدليلي وگمت أجرن آه(بعداه)
غيرك مايسوي هيچ   (بعداه)
ولايعمل عملتك هاي بيه.

تولاني زماني طاب (ماطاب)
عله راسي وجرح أله بالگلب (ماطاب)
أخبرنك يصاحب بعد (ماطاب)
عيشي وصابر اعله الصاربيه.

گصه بيه الوكت مايوم (عناي)
ولاواحد بربعي نشد    (عناي)
أزحف لليودني أزحوف(عناي)
وأرد أزحوف وتوچه عله أديه.

أشكثر گلبي الصديجي تعب (ويهد)
وأحسنه يرك بالحيل   (ويهد)
الحسبته ضمدللكلفات (ويهد)
وراي وهدته صارت عليه

أنحلت عيب أگل جدمي (منحالي)
نحت من سمع نوحي  (منحالي)
يشامت جوز وترك       (منحالي)
أخس من التريده صار بيه

نحلت عيب أنگل بجدمي (وشليه)
وجفني من الوكت ماظل (وشليه)
إشمداوي جرح البگلبي  (وشليه)
إيگصي وكتي ودواه يصعب عليه.

أون مابالربع من سمع (لني)
جزاني المستوي وتانيت (لني)
انه المن عگب ساهي العين (لني)
اعله جوحي وگام يتمتن عليه.

المصايب رگدن حيلي (ويرحن)
دليلي وگمت أجر ونه (ويرحن)
أخافن يعمن أعيوني (ويرحن)
ويظل حته اليحبني أيلوم بيه.

روحي أشكثر بحبابي     (حبلهه)
أنكروهه وماشفت بانت (حبلهه)
عبالي عشرتك چنب      (حبلهه)
طلع بوه وتگطع بين أديه.

علي طبگن يصاحب ذيچ (ويهاي)
المصايب لون غيري يمل (ويهاي)
أنه العن صاحبي مادرت(ويهاي)
ولاغلست عنه بكك قضيه