قاسم شنيشل

ظل مشتاقلي الحبك افراكه ايطول!!
ويرد وشتاقله وخليني اظل وحدي
وروح اكعد بسده وسولفو اعله الشوك
واني اكعد بجرحي وهمي البسدي
كافي الياوكت نبقى اعله هذا الحال
ما عندك خجل واني اخجل بردي
وگلب ما عندي صح ايكظني من اشتاك
بس عزة نفس معقوله ما عندي
تجي من الغير خدك فوكه سبع الوان ؟
وروح واثـر فشله أتبين بخدي
وهيوه السانهم غنه وركصتك ناي
وغنيلك نعي وتتمركص بـچـبدي
واعمه الحب جذب من ارد اصبر الروح
الصدك هو اني الاعمه وشوف ما عندي
اشفت بيك وغرورك يعله فوك الغيم
الكصب مو ناي طبعه وما نسه البردي
عشت وياك قصه الحظة چادر موت
وناهيتهه حزن تتوقع اشتبدي
وكتلني وعلي كاتب اموته الشوك
وما اريد اعله شوفي اجنازة اتعدي
ليش ومبيه لك مو انه لك ضحيت
وجبت روحي وكلتلك فدوه الك تغدي
ومو يكتل نفس هم بيها دم وروح
ونحسبه شهيد بموته الجندي
وربك مو عبث تارس عيوني دموع
وعلى الحاضر تجي انت بكيفك اتبدي
المهم هسه انت روح؟ وتلكه غيري اهواي
بس ما تلكه واحد حبك ابكدي
اني الي جبت ليل بلايه انجوم؟؟؟
خاف التهي بعدهن وانسه اذكرنك
واني الجذبت واقنع الفراشات
الورد مابي عطر خاطر يشمنك
ومعزه الشوفتك وي روحي اسوي وياك
افارك والچم بس لا امل منك
واجي بفطرة طفل ما شاف باب البيت