الشاعر هيثم سعدون
ابد ما يغفى ثاري لطلعة الموعود
أمر بالراس من ظهر الظهر عشعش
طفل بي حجه صارت ع الغدر من جار
خلك ما عنده يبجي بكثر ما يعطش
انرفع بوجوه صارت بالخيانة ديوج
واحدهم اخلاف الولية ما نفش
كثر بيهه الكلام الحق رفع رايات
راد الطاغي يكطع هالكلام الطش
رغم حرمة اكماطه السهم منهم طار
بي نحر الرضيع بكل حقد ينحش
انفجر دمع اليشيله وليده دمه يسيل
انخبط ويه الدموع وللسماء انرش
مشت للجنه روحه ترفرف ويه الريح
منظر حتى بي جلد النواظر كش
بجت عين العقيلة وزادت الثارات
فرح باب الجنان بطيرهه اللي خش
عبد الله الرضيع يخلده التاريخ
والطاغي يظل ملعون ومهمش
اذا بالثار اسولف اعرف المقصود
ما كص راس ياهو الجان اذا اكمش
اكص راس اليعادي العترة والاسلام
يعني براس داعش واليهود ابلش
