نائل المظفر
اذا شفت المواكب بالسما تگول
المواكب بالارض كلش قليلات
واذا كلهن تلمهن موكب يصير
ربع موكب محمد بالسماوات
بعد حتى الله موكب سوه لحسين
وعلى اليبچون وزع بيده جنات
وميكائيل يقره بموكب الله
وجبرائيل يكتبله الروايات
وفيالق انبياء إتدگ زناجيل
وملائكته اليلطمن بالجناحات
وملائكة العرش صفن قطع سود
والاجناحات صارت كلها رايات
ودمامات صارت هاي الغيوم
يجلدوها إببرق وإتطلع أصوات
واسرافيل واگف ينفخ البوق
وينظم لطم هاي المسيرات
ويسوون كل عاشر تشابيه
وتمثله الحور دور الهاشميات
ويمثل محمد دور الحسين
ويكافئ خنصره بخاتم نبوات
وانا العباس حيدر بالسمه يصيح
ورفع دجله وفرات إعله الچتافات
بس الحمزه اكثر عاشگ الدور
يگص چفوفه حتى يمثله مرات
واسماعيل راد القاسم يصير
لان يدري الحسن ميبدله بشاة
والسجاد صاروا عيسى وايوب
لان ايوب عنده بگده علات
وعيسى يگول مثلي بلوحة مصلوب
بس يمشي وصليبه اعله الچتافات
والزهراء رادت زينب تصير
يلوگ الدور الچ يم المصيبات
بس الشام عنكم كلش بعيد
ضلعچ يحتمل كل هالمسافات
ومنو يصير الفرات ولا نهر گام
يجل نهر الخمر عن هيچي بت ذات
صعد نفسه الفرات يمثل الدور
مو قطرات ماي بوجهه صخرات
ونحطمن حرمله ما يقبل ابليس
ولان جبروه جبر صب جلده حسرات
بس گلهم شرط بالقوس احط ماي
ويطيحن عالرضيع سهامي دمعات
بس دور الشمر محد قبل بي
الشمر يصرخ بعد ما مثله هيهات
اشگلت عرعور انت تمثله تريد
عليك يلوگ يبن الكاوليات
اشوفك معترض يا عورة الدين
وعجب عندك شفت كل هالمسيرات
ولك عرعور هذا المات الحسين
ابن حيدر علي چا ابنك المات.
