سعد محسن جايان
زينب وام البنين
ضحيت انا باولاد شموعي بظلامي
كلهم فده لحسين لجسمه الدامي
نعم البنين ليوث العرين
اشموعي بظلامي
*******************
للباري دمهم سال بس كون اوفي
زينب اخت عباس والزهره ذخري
ادري فدو لحسين يادهري ادري
لوبيدي اتفداه وانطيله عمري
اولادي رفعت راس ونعم الاسامي
اخوت ابو النوماس زهرت ايامي
نعم البنين ليوث العرين
اشموعي بظلامي
*******************
يايمه شحجي الصار من الشمر جانه
حامل رساله وياه ويعرض امانه
وجان الكمر عباس شايل لوانه
هب بشجاعه وصاح ماطيعك انه
شلون عوف حسين الجبده ضامي
عن اهلي والاطفال ابقى احامي
نعم البنين ليوث العرين
اشموعي بظلامي
************************
احجيلي عن عباس ساقي العطاشه
ماروه جبد حسين واهله وناسه
طبعه الوفه والزود مخالط انفاسه
ليث الحرب ادريه وحيدر اساسه
الغيره توم وياه بدر التمامي
وين اليوصل وين الكبره سلامي
نعم البنين ليوث العرين
اشموعي بظلامي
*******************
طب اوصل للماي واتذكر حسين
صاح ارتوي هيهات كبل الميامين
وصيت علي الكرار شايلهه بلعين
صال وكتب تاريخ بجفوفه الاثنين
جوده بسهم مصيوب سهم الحمامي
وراسه بعمد مضروب ابن الامامي
نعم البنين ليوث العرين
اشموعي بظلامي
يادمعي صب اليوم يادمعي مدرار
عالمشو عني بعيد وخلوني بالدار
اذاني جرح الطف وبجتني الاقدار
ابن الرسول يموت ياجرحي والنار
ريت ويجويني ريت مره بحلامي
يادنيه وني ايهيد وتبره الامي
نعم البنين ليوث العرين
اشموعي بظلامي
