سعود الخفاجي
تشتاگله
وتنذرله ماي عيونك
ولوغاب عنك
تنعرف من لونك
كون التحبه
من صدگ يستاهلك
ويهيم بيك بلاوعي
ويشتاگلك
موچلمة التنگال
بس شلونك
تشتاگله
وترخصله اغله سنينك
ومن بينهم
مايحله غيره بعينك
ولوشاف غيرك
يلتهي ويمشي وياه
وانت اعله حالاتك وفي
وماتنساه
متعوب ليش وملتهي
اوي ظنونك؟
تشتاگله
وتتمنه لحظه تشوفه
وتعوف كلشي
ومستحيل تعوفه
اخ شكثر
شايلّه بين ضلوعك
شوگ وسوالف
عايشه اعله دموعك
ماجه اعله بالك
يوم هذا يخونك
