جاسم الخفاجي

الرحمة
بذرة
وحتى هاي البذرة
تنمو
وينقذ العالم
ثمرها
يرجع الانسان
طين,
الله كَد ما عنده رحمة
خلق ثلث الكَاع
ماي
وماخلق للماي
أدين
حتى كل عصفور
ينزل
يشرب الماي عله كيفه
ومايشوف اصبع ينشه
وتنفكَس بعشوشه
عين
الرحمة نطفة خير
صدر الله ظهرها
انزرعت بحوا
جنين
احنا من حولنا الله
ورحمته
وخيره
وسعة صدره
وجماله
الواحد بلايه
حنين
الواحد يحب التسلط
يذبح بحجة جهنم
حتى لتظل فارغة
بعين العبيد
الله جنته بماية بالوان الطبيعة
الله مايحتاج حتى نعرفه
دين…
الله حب ..
بكَلب كل فاكَد حبيبه
والله ضحكة ..
بوجه كل واحد حزين
اليشوف الله بكتاب!!
يشوفه اخرس
والله صوته بحلكَ
كل بلبل يغني
واليشوف الله بنبوة
يشوفة ميت
والله حي
الناس ..كَاع ..الدنيا شجرة..
والله فَي
وكلنا جوه افياي وجهه
مريعين
هذا ربي الي اعبده
بروحي شفته
الــ عنه كَالوا
ربنا ماتغمضله
عين!!؟؟