محمد راضي

تدري وفاركت زينب يعباس
مابيك الزمن ينعاد مرتين
تعال الوحدك مو اله تنخاك
ماتكدر تعيش فراك غالين
ياعباس جانت شوفتك ماي
وفراكك عطش ويزيد كل حين
فراكك جابهن من حضن الايام
زينب علمصايب وينهه وين
يمكن مايجي كال الهه الاحساس
بواحد من اخوتج صار موزين
يتاج الراس شو جثتك بلاراس
دمك يمك ومكطوع جفين 
لاتكسر كلبهه التم يعباس
اذا رادت تشوفك زينب منين
يزيد بخير عايش وانت مذ بوح
ليش وياك موعدله الموازين
سيفك جان ابيض لون وافعال
وخليت البياض ايكحل العين
عليك الي بجو ولمنك هواي
كدرت بهل حزن تجمع نقيضين
ماكضك زمان الطف يعباس
جنهه البارحه بعين الموالين
شجاعت موقفك مابيهه نسيان
ولابينه اعله حزنك ناس ناسين
نسب دمعاتنه يردن للايتام
نخصك بلبجي وكالو مجانين
رسم فوكك ضوه حيدر الكرار
وكمر خلاك بين الهاشميين
اليميزك عل كمر ماعنده خوان
اليميزك عل البشر ماعدهم حسين
بيدك رايت الله ومالك احدود
بيامضمون ترثيك الدواوين