داود سلمان الشويلي

1 – محنة شاعر

(( كالو للشاعر يا شاعر
بيت الشعر احسن كل بيت
راد الشاعر يغفه ابيته
تاه بروحه ،وضاك البيت))
***
2 – حريق

 (( شفت ابعينك جلمات الحب تحجي اسرار
ليش اتعاند كلبك كلي ، خايف مِن مَن ،
كلي اشصار؟
جلمات الحب جوه اعيونك…
ومن يبقى الحب مخفي اهوايه
يشعل نار)).
***
3 – عذاب

 ((عطشان وجيتك متعني
مدري غيومك ، غيمة صيف
مديت ايدي اترس من مايك
الكيتك صاير حد السيف)).

***
4 – حيرة

 ((ردت اكلك.. هاك كلبي
ردت اكلك ، اخذ كلبي
ردت اكلك …
لني جسم بلا كلب
ولنك انت اللي خذيته …
وعفته وحده بهالدرب)).
1992