مهند صاحب الربيعي
ماتوب
وحياتچ بعدني اعله الدرب مصلوب
اسولف عالندى ويگرصني برد الليل
خلص كاس الحلم والمزه هم وذنوب
يجزيني المسه بعبرات
وانشغ والدمع حالوب
ثلجي المشتعل وظنوني والحسبات
كلهن صوفرن والنسمه عدت وين
ونصيب الريح جابالچ صبح محبوب
گلتي بليلك احتاريت
وانه محظر فجر مملوح
وگلاده وحظن لليوم
لغيرچ شبگه مامطلوب
يبنت العافيه اشتاگيت
عيني بلا سبيل وگلبي خفگة خوف
وجفوني جنح والخلگ موش ايوب
صاگرني الوداع يلوح بكل يوم
ماصاحب گمت واتوحشت هينوب
غريب اطباع گالو وانه طبعي وياچ
چان ويه الهوى يتمازح بكل صوب
انه شبيدي اعلى نوحي اعليچ
يعمري انه بعمر مسلوب
چذبت الشمس گالتلي اصحى شبيك
گدامگ حبيبك للقصر مخطوب
وعاركت الحقيقه وعشت بس احلام
ليليه بحلم منكوب
ليليه احتظر وانتظر طلعة روح
اعاين عالصور واتذكرج وياي
عين بعين چنه نذوب
اشاگف علتي بالسالفة النص ليل
من گلتيلي غيرك مااحب انوب
