مهند عبد الحسين
من انتفض ما انتظر
عالعيله اشد بكل وكت
بحزامي أحط روحي نذر
يعرفني الكبالي وسكت
ابن العراق وما أزل
عدواني متهم لو لفت
متعود انه أعله النصر
وبدمي رايات الاجت
ساكت وكت بس موجبن
سيف اني لو يطلع نبت
يشهد علي كل الخلك
بيه اني كاعي من الانتخت
أكسر خشمهم بالرجل
وزلامهم تصبح بنت
ماغادر اني بأي وكت
واليغدر اكبالي انتهت
ما انسه غدره وما أمل
ثأري اني أخذ واحلفت
اقسم قسم برض الوطن
كل خاين نثرمه نحت
بيدي اني ارفع رايتي
ما اتعب اني ولا حرت
يدريني داعش وثنعش
زفه اني طالع لو متت
هلوهله بعدي التنطلق
وأمي اني تفرح والأخت
بتراب اجفن جثتي
وابني اليكمل لو رحت
يلبس نطاقي وخوذتي
وسلاحي يلزم اكدت
