كريم راضي العماري

دورة اعيونچ جزيرة…وﮔلبي طير وتاه بيهه
وحرﮔت اجناحه السموم
دورت كل الحراثي امنين اجيچ؟
ردت اضم باجي السنين ابّين ادّيچ
ردت اكلچ (آنه احبچ) واستحيت
ودوهنتني عيونچ الماتربي لحد
آخ وليمته العمر يبـﮔـه ايتفرهد؟
لاني حي…ولاني ميت…لاني مندل الطريج
أوّاصل لديرة غربتي
حته اﮔل للناس: شاعر
تاهت اجدامي ابوسط هاي الجزيرة
وانتي يمّ عين الوسيعة…الغافي بيهه الحزن كله
علميتيني أشوفچ وانتوادع ما عرفتي شبيهه روحي؟
روحي طير ولشوكت يبـﮔـه يحوم؟
ودورة اعيونج جزيرة…روحي شط اجرافه شوغه ومايه حيره
روحي لو يكبر حزنهه وتمطر الدنيه عذاب
ابّين ادّيچ اتصير ليرة
امعوده بس ﭽلمة ارد اﮔلچ
يمته ﮔلبچ يربط ابـﮔلبي مصيره؟