سلوان عدنان

حلم چفي يتعده الغيم بسكوته
ويسولف للشمس چلمات بيهن فيء
حلم چفي نداوة طير مايعرف هوه متونه
ويذبل چان ببسط ليل خيعونه
حلم چفي أصافح ناس يتماشون وي حيلي
وما يحچون عني بطيب ويتركوني بليلي
ومن احلم اشوفن ناس كون بديرتي يعرفون شنهي الياس
وكون بديرتي يعرفون ما مقبول بس عباس
وبديت احلم لگيت الناس
وتماشيت وياهم هوه اسنيني
وشهگت اول جفن والدنيا مطرة خوف
ما بدت شمسه اذنوب
خافت بالشمس نيشان فشله يتوب
وفشله يموت يوسف والذنب يعگوب
وبعدني اعل الحلم مصلوب
وبعد بيه حمار ومشتهيلي اغروب
وبعد بيه السنين اثياب يتناغن هله بروحي
وركض بيه الوكت خطوات خانگ راحته بچفي
ومن فزيت شفت اعيونهم سرداب بس گلوبهم صحره
شفت اعيونهم فلاح ما يندل حلم تمره
شفت بيهم سوالف نوح بس الماي ما بيهم بيهم ناس بس حروف كل چلمات ما بيهم