سعود الخفاجي
ادك بابي اعله روحي وكلي الك ملهوف
وكون انته التدك بالباب كـون انته
جاجيتك ركض وبروحي احطك روح
والباب اعله مــودك كلـه جاشلته
الهوه عندي من اشمك ياهونته
وتهـون بعين خلك ياهونتــه
ادك بابـــك تكلي ياهونته
انا البابك عمه عيونه اعله اديه
يالعشتك حلم عشرين عمر صباي
وبطـولك حلـم عشريني راوسته
مفطوم اعله طولك سوله بالمفطوم
عينه لصـدر امه وهيــه فاطمته
عطشانك فرح والفرح كلـــه اوياك
شيضرك ولــو لوكلبي فرحتــه
صفاني الدمـع ومنين اجيب ادموع
وابجيلك حزن واستعطفك حتــه
عميت وكمت ماوجـد وضليت
طريجي وايست منك وظليت
اعالج بالنفس عكبك وظليت
تجي وبيدك تنكط الماي اليه
علمنـي الكلب شنهو انته من اشتاك
وانــه اعــه الصبر والتكــضي علمته
وعلمني الجدم لــوجل اجيك زحوف
وعنك هالجدم مايـوم كصرتــه
اشبده وشوكك لخلك منجفيته
وعليه شكلت بالله منجفيتــه
سهم غدرك كتلني منجفيتـه
بدليلي ولاخطه من اكبل عليه
تانيتك عمر وبجفـي شلتك عود
ولعودك امس دم كلبـي رخصـته
وداريتك غصن وبسدي جنت تلوذ
ظـل اوياك اشبن واحترك سكتـه
كـل بارح يمرك انه الك نيسان
وانته بنص خريفك كلبي يتمـــته
حلم جان بخيالي مرعشتـــه
ودفه ضلوعي بغيابك مرعشتـه
رعش كلبي وعرفته مرعشتــه
مورعشه صحوة موت رعشة دليلـي
ومن شفتك من بعيد كمت اعله حيلي
وناطرتك فجر واسمك نهايـــة ليل
ينطر الفجـر متكلي جايمـته
لاباجر يجـي ولاليلي عني يروح
وبعيني الصبـح مطويه سالفـته
ميت وشتظن اقتنـع من يعيش
وانه الكبليته وبيدي جفنـته
بصليل اشتاي واشتاكك دفنته
دحن دشتاك لكليبي دفنتــه
وجوب الميت عالمسلم دفنته
ونا الميت عليك شلون بـيـه
