مؤيد خليل الحلي
ولله عذبني هواك ..
وشفتك بشوف الكلب تكطر محنه
وانت مايوم بطرف عينك شفتني
واجرعت مرين طبعك سكته
وبدولاب ضيمك مرجحتني
كلها واقبل ..وارضه بهمومك اعيش
كلها واقبل.. وارضه بهمومك اموت
وارضه تكتبني قصيدة
مشكبنه بشوغة وكتها
وكلشي لعيونك يهون
وشدني اخر خرز..
مرجحني بسبحتك
ارضه بيها شما اكون
اشبعد مني ..
وعكبك اهمومي اكبرن ..
واتورشعني
وجنت ألويهن لوي
امشابج جفوف ومالوني
وهسه تيهني القطار ..
وصارت السجة بعيدة ..
وبعد مابيها بصيص ..
امن التمني
اخ يلطيبك كتلني
يالجنت محمل همومي ..
وغير صبرك ماحملها ..
وماحملني
طشني .. طشني
يلي حته المستحه ..
بحجيك تعثر
طشني ترس الدنيه واكثر
طشني .. طشني
العمر كاضي .. وانت تدري
شما يطول العمر يكصر
العمر مثل الروج لوطال ايتكسر
العمر سجة مشي تصير جبيره
من تمشيها تزغر
