ردا على قصيدة المكيـّر
للشاعر الراحل زامل سعيد فتاح
عبد الحسن الشيخ كاظم شمعه

مشيت وياه للمگير
عدل وهواك زتيّته
عفته بديرة الغُربة
خوش بهاي وافيته
حَسبالي مثال تصير توگف تعرِض بصدرك
طلعت وياه وزتيّته عَجيب وماخلص صبرك؟
يامحلى الوعد بالموت شلّك بيه بعد عُمرك؟
شلون توادعت وياه؟
گلّي وفكرت تنساه؟
وكيح شلون إلك رجلين
طلعَن رافگن ممشاه
زتيّته وتِرد عَنّه
تگول اتسلى بالوّنه
تِظل بهاي تتْجنه وتِعد محاط لفراگه
وتگول الريل عَتيّته
تِعت الريل ويعتّك تريد الريل يتعطل
يخايب گعدة الگمرة
بعد هيهات ماتحصل
المثلك يشلع السچّة
ويخلي الريل يتمطّل
تِعد محاط للبصرة
وگلبك ماخلص صبرة
أريدنّك توگف الريل
تشهد بيك عبريته
هم انته وتِعَرف الشوگ وتعدّل مچاناته
ويراويك النهر موگاف حلوة وياك گعداته
ومكيّف شهر ويعود بعَد وتشوف ملگاته
أيّس واگطع الظّنه
ظَل بطيفك تهنّه
خلههَ تكتلك الوَنّه
من چان الرسَن بيدك يخايب ليش هديته؟