مالـك شنشـــول
أستعجلوا عافوك مو موســم عذاب
يالكتبـت العشك بأوراق الظــلام
أحسب لـحبـك أجم ليل ويمـوت
وتبنـي بتراب الدمـع حبــك مقــام
وانتـه من تحسب اخاف احسـب وراك
أشلون أذا يطلع نقص عدك أمـام
شلون تكدر ترد عالعالوا عليــك
وانـته ما تكدر تـرد حتـى السـلام
أسمع بكاعك جرح صوت الذئــاب
كمت اشكـن بيك يـا وادي الســلام
كمت أشكن باليحبــك واليخـون
طاحن الرايـات يم بـاب النظـام
كمت اشك الغصـن مجهول المصيـر
لأن شفت الريـح تلعـب بالسهـام
رايــد الحيطـان يحفرهـا الرصـاص
بلكــي عش تصير لطيـور الحمـام
وردت من جرح السفينـه المـي يخــاف
من يشوف أشراع مشدود بلجـام
كون أشوفك عتبــة الـسان الضميـر
بس أسولف ينكطع راس الكـلام
لو مثل كصة الجبـل عدهــم تصيـر
تعرك من تفوت مــن يم الخيــام
