محمد الغريب

ها كظت ها لا بعدها
ها كظينه ها بعد بينه نفس
ها لگينه عيونه وها ما لگينه
هانسينه الشوگ ها بان الفرح
ياهم احنه منين اجينه
ليا نهايه احنه بتدينه
تضيع بين اشفافنه حروف السؤال
وتهنه وسط بيوت اهلنا ولاتصح چلمه تعال
وصاحت الوادم علينه مسودنين وشگگينه اثيابنه
وصاحت الوادم ددلو التايهين وتيهينه ابوابنه
مسودنين…
مسودنين وتايهين
لا اخذنه الكاس قبله ولا توضينه اعله دين
وصار سكر البينه دهنه لاهو ماي ولاهو طين
مسودنين…
نبجي ماندري عليمن
نضحك وما ندري ليش
وما درينه انبعنه يمته ومادرينه انبعنه بيش
وكبرت الفشله بسواد عيونه ومدروين
مسودنين وصاحت علينه الشوارع لاتجون
وصاحت الوادم ابد مايستحون مسودنين
تعرف الوادم حجينه بس تسد اسماعها
واحنه محد يشترينه وتركض اعله الباعها
لا حجينه بالف شفه
ولا لبسنه اهدوم ترفه
ولا كدرنه انعيش يوم ملونين
وباعنه المامشترينه
وصاحت الوادم علينه مسودنين