ايما صباح
بيّن بالي
هلبت عطر من ملگاك يتبده بعطش شالي
هلبت سالفة ذرعان تعدل حدبة إخيالــي
يل إفترّيـت گـد إفراگـك إبّالـي .. تدنالـي
طِر زيج إلنخل يا ريح وإتدنه إلبعد چذاب
يل گاطع شرايين إلدرب عني نزفت إتراب
وإجيتك عتبه تستجديك دگة باب
أتوچــه إعلــى إلدمـــع وأنهــــال
يمن إشما أسولف بيك أگولن بعد هم ينگـال
طيفــك سامنــي بفـــزه
وبچيت إشما حِـوَت روحي عليك إلدمع ماعِزّه
إلبچـي گنطـرة إلمتانيـن
وانـــا شعنــــدي غيـــــر إلليـــل ومتانـــاك
وأغاني أستاهدك بيهن وادوّرهن وماألگاك
وصوره إطّشـرت بيـدي كثر ما گلّبـت بيهـا
ألوذن بأمّي عن طاريك وأعرضله بنعاويهـا
إلغيمـه إتفـزز إلنهـران مـن ينجاب طاريها
وحتى إلماتجي بذكراك .. هم أتذكرك بيهـا .
