احمد عميدي
اركضله دمع فوگ الرمش غافي
واجي مفرهد وجه ومزاعل اوصافي
دمع شمعة
يدگ بابي المطر واختل
من الصنطة كمت اجفل
رعيد مكاسر بصيفي جنط ملگه
شكثر دليتني بروحي
وامشيني اثر ورگة
واغورب ظل
واتيهني بزواغيرك
والـَــوح .. يلتفت غيرك
واسرگي جناح طولي ويلتهب طافي
يهد حافي
واگله اسكت
عليش تحوك صيفك والشته يغربل؟
جرح دافي
عليش تروف بعده والفتگ يطول؟
عليش يطير ضحكة وحزني متزنجل ؟
گضه اجتافي
ولا نبرة امل دردم
كهف .. ومصوفر .. وابكم
يهد مرة بجرح شافي
ومرة يهوشل بزمزم
مرة بغيظي اتلعثم
ولا كافي
ويهد عمري
واگول الضحكة ما تجوي
ويستورح غنج دمعي
يتدنه الضحك .. وتگبح اشفافي
