ميثم فالح
صدك مامشتاقلي كالو نسيت
وكالو مكيف حبيبي بموتي
وكالو الكبري ولا مره اجيت
وكالو اذنك ماتحن الصوتي
صدكتهم ما اضم تدري عليك
وعرفو ادري امبين منسكوتي
اذكرت شفت ايدك اتعز السلام
ماشلتهه من خطف تابوتي
غير كون اقتنع وتغير عليك
غير ادير الوجه من طيفك ايفوت
غير كون التهي بآهات الحساب
مثل كلمن يلتهي لمن يموت
شو اشوف الروح اردن من جديد
وزرع بكلماتك بكاع السكوت
انته اول عدل ميت يعتنيك
ويقرالك اية الحب بلايه صوت
انه من عالم البرزخ منجيت
البيتك وطبيت زيدت العذاب
اجيتك بشفتي بقى اخر سؤال
وذبلن اشفافك ولاطرحن جواب
امبين ابهامك ولا عضيته يوم
ابهامي كد مااعض سويته ناب
شعرقصتنه انكتب والورق جان
ابجفن وبسكته انقره جوه التراب
